President Ramchandra Paudel has called for indigenous culture, knowledge and traditional skills to be linked with tourism to create economic opportunities for indigenous communities, suggesting innovative approaches such as 'open-air living museums'.
पाकिस्तानस्थित ब्रोड पिक हिमाल आरोहणका क्रममा हिमपहिरोमा परी ज्यान गुमाएका नेपाली आरोहीप्रति नेपाल आदिवासी जनजाति महासंघले गहिरो दुःख व्यक्त गर्दै हार्दिक श्रद्धाञ्जली अर्पण गरेको छ। साथै, दिवंगत आरोहीका परिवारजन तथा आफन्तप्रति समवेदना व्यक्त गर्दै घाइते आरोहीहरूको शीघ्र स्वास्थ्यलाभको कामना गरेको छ।
नेपाल आदिवासी जनजाति महासंघले सुनसरी, सिराहा लगायतका क्षेत्रमा पछिल्ला दिनहरूमा देखिएको तनावपूर्ण अवस्थाप्रति गम्भीर चिन्ता व्यक्त गरेको छ। महासंघले घटनाको निष्पक्ष छानबिन गरी कानुनी राज्यको सिद्धान्तअनुसार जिम्मेवार व्यक्तिलाई कारबाही गर्न तथा नागरिकको जीवन, सुरक्षा र मानवअधिकार सुनिश्चित गर्न सरकारसँग अनुरोध गरेको छ। साथै, शान्ति, सामाजिक सद्भाव, समानता र समावेशिताका पक्षमा सबै पक्षलाई संयमित अभिव्यक्ति, जिम्मेवार व्यवहार र सामाजिक सद्भाव कायम राख्न अपिल गरेको छ।
नेपाल आदिवासी जनजाति महासंघले भरतपुर महानगरपालिका वडा नं. २६ मा हात्तीको आक्रमणबाट भएको घटनाप्रति गम्भीर ध्यानाकर्षण भएको जनाएको छ। महासंघले घटनाको निष्पक्ष छानबिन गरी पीडित परिवारलाई उचित राहत तथा न्याय उपलब्ध गराउन र भविष्यमा यस्ता घटना दोहोरिन नदिन आवश्यक सुरक्षा तथा अनुगमनको व्यवस्था गर्न सम्बन्धित निकायसँग माग गरेको छ।
नेपाल आदिवासी जनजाति महासंघले आदिवासी जनजातिहरूको अधिकार, पहिचान, भाषा, संस्कृति, परम्परा तथा प्राकृतिक स्रोतसाधनको संरक्षण र प्रवर्द्धनका विषयमा सरकारको ध्यानाकर्षण गराउँदै प्रेस विज्ञप्ति जारी गरेको छ।
