नेपाल आदिवासी जनजाति महासंघ

दोश्रो चरणको ३ महिने आन्दोलनको पूर्व तयारीमा

एक महिने अँन्दोलनको अन्तिम कार्यक्रम श्रावण ३० गतेको देशव्यापी चक्काजाम यातायातबन्दको समाप्ती लगतै नेपाल आदिवासी जनजाति महासंघले दोश्रो चरणको ३ महिने आन्दोलन भदौ अशोज र कार्तिक का तयारका लागी ५६ वटा जातीय र ७ सम्बन्धन प्राप्त संगठनहरुको वैठक २०६७ भाद्र ३ गते काठमाडौ र ६५ जिल्ला समन्वय परिषदका अध्यक्षहरुको वैठक २०६७ भाद्र ९ गते पोखरामा संम्पन्न गरेकोछ ।

समयमा नै संविधान जारी गराउन संविधानमा आदिवासी जनजातिका अधिकार सुनिश्ति गराउन र सशक्त आन्दोलनका लागि महासंघको आन्तरिक संगठन निर्माणका साथै ७५ जिल्ला र कम्तिमा २००० गा वि स तहसम्म आदिवासी जनजातिका आन्दोलनका उदेश्यहरु र आन्दोलको औचित्यबारे संविधानमा सुनिश्चित गर्नु पर्ने आदिवासी जनजातिका अधिकारहरुबारे र आदिवासी जनजातिका आधिकारहरु सम्बन्धि आन्र्तराष्ट्रि्रय श्रम संगठनको अभिसन्धी नं १६९ र आदिवासी जनजातिको मानव अधिकार संम्बन्धि घोषणापत्र यू एन ड्रीपबारे प्रशिक्षण दिने विविध २ दर्जन भन्दा बढाी कार्यक्रमहरु समावेश गरिएकाछन् । कार्यतालिका सहितको कार्यक्रमको विस्तृत विवरण पत्रकार सम्मेलन मार्फत सार्वजानिक गरिनेछ ।

महासंघले आदिवासी जनजातिका अधिकारका लागि संर्घषरत विभिन्न दलहरुका जातिय संगठनहरु र अन्य आदिवासी जनजातिका मोर्चाहरुसंग कार्यगत एकताका आधारमा सशक्त आन्दोलनका लागि लागि छलफल गर्नेछ ।

आङ काजी शेर्पा किसान
महासचिव

मिति २०६७ भाद्र ७ गते

कुर्सीको खेल अन्त गर

समयमा संविधान जारी गर


नेपाल आदिवासी जनजाति महासंघले आज २०६७ भाद्र ७ गते विहान ११ देखि ५ बजेसम्म संविधानसभा भवन गेट नं ३ अगाडी कुर्सीको खेल अन्त गर समयमा संविधान जारी गर  भनेर लेखिएको कुर्सीलाई ६ फिट लामो बाँसको टुप्पोमा बाँधेर प्रर्दशन गर्दै करिब २००० हस्ताक्षर संकलन गरेर धर्ना कार्यक्रममा सम्पन्न गरेकोछ । कार्यक्रममा आदिवासी जनजाति वरिष्ठ नेता पदम रत्न तुलाधर मानीय सभासदहरु महासंघका पदाधिकारीहरु महासंघका जातिय तथा सम्बन्धन प्राप्त संगठनका अध्यक्ष पदधिकारीहरु सदस्यहरु मानव अधिकारवादीहरु र सर्वसाधारणहरुकेा उल्लेखनीय उपस्थिति थियो ।